Tez-tez verilən suallar

Kəşbək (Cashback) nədir?

Onlayn mağazalarda ödədiyiniz məbləğin bir hissəsinin mağaza tərəfindən geri qaytarılmasına kəşbək (cashback) deyilir. Bon olaraq biz mağazalar ilə əməkdaşlıq edərək, onların məhsul və xidmətlərini öz üzvlərimizə tanıtdırdıqda, buna görə bizə komissiya ödənilir. Biz də bu komissiyanı sizinlə bölüşürürük. 

Kəşbəkin uğurla hesablanması üçün:

-  «Bon.az» saytında qeydiyyatdan keçərək, mağazaya sayt üzərindən keçmək.
-  Kəşbək alınması ilə bağlı bizim tövsiyyələr ilə tanış olmaq.
-  Mağazanı seçərək, kəşbək şərtləri ilə tanış olduqdan sonra, sayta keçid etmək.
-  Məhsul və ya xidmətə görə ödənişi edərək, almaq.

Bon.az-a necə üzv ola bilərəm?

Websaytımız, mobil app və yaxud brauzer əlavəmizdəki Qeydiyyat düyməsinə klikləyərək, e-mail ünvanınızı daxil edin. Bundan sonra, e-mail hesabınıza təsdiq məktubu alacaqsınız.
Alternativ olaraq Facebook və ya Google hesabınızı da istifadə edərək qeydiyyatdan keçə bilərsiniz.

Bon.az üzvlüyü ödənişlidirmi?

:soure üzvü olmaq və xidmətlərimizdən istifadə etmək ödənişsizdir və qeydiyyatdan sonra dərhal kəşbək qazanmağa başlaya bilərsiniz. Siz bizə deyil, biz sizə pul ödəyirik.

Nə üçün saytda qeydiyyatdan keçməliyəm?

Kəşbəkin uğurla hesablanması və kimə aid olduğunu təyin etmək üçün, saytda hesab açaraq, cashback əməliyyatını aktivləşdirə bilərsiniz. Bundan əlavə müsabiqədə iştirak etmək üçün hesab açmağınız mütləqdir.

Kəşbək necə hesablanır?

Bon.az olaraq üzvlərimizə onlayn alış-verişdən endirimlər, kampaniyar və kəşbək qazanılması məqsədilə Türkiyə, ABŞ, Avropa, Çin və digər ölkələrdən olan yüzlərlə mağaza ilə əməkdaşlıq edirik. Mağazaya Bon.az saytı üzərindən klikləyib keçid etdiyinzdə, sistem sizi tanıyaraq, alış-verişinizi qeydə alır və ödədiyiniz məbləğin bir hissəsini Bon.az hesabınıza qaytarır. 

Alışdan nə qədər kəşbək ala bilərəm?

Hər mağazanın öz səhifəsində göstərilmiş kəşbək faiz aralıqları mövcuddur. Kəşbək faizi ya saytdakı bütün məhsul və ya xidmətlərə bir rəqəm ilə və yaxud kateqoriyasına görə dəyişə bilər.

Kəşbək məbləğini hesablamaq üçün, Mağazalar bölməsindən lazım olan mağazanı seçərək, ətraflı məlumat əldə etmək olar.

Kəşbəki hansı mağazalardan və necə əldə etmək olar?

Kəşbək əldə etmək üçün, saytın Mağazalar bölməsinə daxil olaraq, müxtəlif kateqoriyalı mağazalardan istədiyinizi seçərək, Sayta Keç düyməsinə klikləmək, mağazaya keçmək və sifarişinizi vermək kifayətdir. Əməliyyatın işləməsi üçün Bon.az hesabına daxil olmalısınız. Kəşbək haqqında məlumatlar mağazadan asılı olaraq, bir neçə dəqiqə ərzində hesabınızda öz əksini tapacaq.

Kəşbək statusları nə deməkdir?

Gözləmə: sifarişdən sonra kəşbəkin qeydə alınması hesabınızda öz əksini tapır və Gözləmə statusu verilir. Mağazalar alış-veriş etdiyiniz tarixdən etibarən kəşbək məbləğini gözləmə müddətinə alır. Bu müddət geri qaytarma, dəyişmə və ləğv müddətlərini nəzərə almaq üçün tələb olunur. Kəşbəkin dəyərləndirilməsi mağazalar tərəfindən tamamlandıqdan sonra, kəşbək statusunuz hesabınızda ona uyğun dəyişir.

 

Yoxlama: Kəşbək ilə bağlı mağazanın hər hansı bir əlavə sualı və ya araşdırması olduğunda, tranzaksiya Yoxlama statusunu alır və yoxlamanın nəticəsi olaraq, növbəti statuslardan birini əldə edir. 

 

Ləğv edilib: Sifarişiniz ləğv, geri qaytarma və yaxud mağazanın təyin etdiyi qaydalardan hər hansı birinə əməl edilmədiyində kəşbək də ləğv edilir. Bu halda tranzaksiya Ləğv statusu alır. Qeyd etmək istərdik ki, kəşbək yalnız mağaza tərəfindən ləğv edilə bilər və Bon.az kəşbəkləri ləğv edə bilməz.

 

Təsdiqlənib: Kəşbək mağaza tərəfindən təsdiqləndiyində gözləmədə olan məbləğ, aktiv balansa keçir və bundan sonra həmin məbləği sizə uyğun metodla nağdlaşdıra bilərsiniz.

 

Alacağım kəşbək dərəcəsi necə təyin olunur?

Bon.az ilə əməkdaşlıq edən hər bir mağazanın öz kəşbək faizləri təstiq olunur. Kəşbək ödədiyiniz məbləğin müəyyən bir hissəsini təşkil edir və ya mağaza tərəfindən təyin edilmiş bir rəqəm ola bilər.

 

Mağazaların bəziləri bütün alışlara görə eyni kəşbək dərəcəsi tətbiq etsə də, bəziləri kəşbək dərəcələrini məhsul kateqoriyasına görə ayıra bilir. Bəzi mağazalar isə yeni və daimi müştəri növünə görə də fərqli kəşbək dərəcələri təyin edə bilərlər.

 

Bəzi mağazalar ödənilmiş məbləğdən ƏDV və çatdırılma xidməti xərclərini kəşbək-ə aid etmir və buna görə də, kəşbək hesablanan məbləğ, ödədiyiniz məbləğdən fərqli ola bilər.

 

Bon.az saytında hər mağazanın səhifəsində ona aid kəşbək dərəcələri və aid olduqları kateqoriyalar (bəzi mağazalar mobil telefon, qızıl və digər spesifik kateqoriyalar üçün kəşbək verməyə bilər) qeyd olunub.

 

Mağaza saytına keçid etmədən öncə saytın Kəşbək hesablanma qaydaları və kəşbək dərəcələri ilə diqqətlə tanış olmağınızı tövsiyyə edirik.

 

Kəşbəkin təsdiq olunmasını nə qədər gözləmək lazımdır?

-  Kəşbək məbləğinin qeydə alınması mağaza, kateqoriya və ölkəyə görə dəyişə bilir.
-  Türkiyə mağazalarından alış zamanı kəşbək məbləği 3-5 dəqiqə ərzində hesabınızda qeydə alınır.
-  Çin və Rusiya mağazalarından alış zamanı kəşbək məbləği 20-30 dəqiqə ərzində hesabınızda qeydə alınır.
-  ABŞ mağazalarından alış zamanı kəşbək məbləği 3-5 gün ərzində hesabınızda qeydə alınır.
-  Qeydə alınmış bütün kəşbək tranzaksiyalar 30 gün sonra hesabınızda aktivləşir.
-  Aviabilet və hotel tipli xidmətlərdən verilən Kəşbək, həmin xidmətlərdən istifadə edib bitirdikdən sonra, aktivləşdirilir. Yəni, hoteldən check-out etdikdən sonra, Kəşbək prosesi aktivləşdirilir.
-  Bəzi mağazalarda kəşbək faiz dərəcələri fərqli kateqoriyalara görə fərqlənsə də, hesablanma standart komissiya dərəcəsi üzərindən aparılır və mağaza ilə üzləşmə aparıldıqdan sonra, yenilənir.
-  Bəzi mağazalarda kəşbək faiz dərəcələri qeydiyyat zamanı düzgün yazılmaya bilər. Məlumat mağaza tərəfindən verildiyinə görə, üzləşmə zamanı yanlış komissiyalar düzəldilir.
Mübahisənin açılması, ödənilmiş məbləğin bir hissəsinin geri qaytarılması. Sifariş məbləğinin yenidən hesablanması, cashback təsdiqinin vaxtına təsir edə bilər.
Sezon alış-verişi və yüksək alıcı axını olan dövrlərdə  internet mağazaların üzərinə düşən yük daha ağır olduğundan, cashback-in hesablanması və təsdiqi daha çox zaman ala bilər.

Nə üçün Kəşbək hesablanmamışdır?

Kəşbəkinizin hesablanmaması ilə üzləşmisinizsə, aşağıdakı səbəblərdən birindən dolayı olması mümkündür:

 

-  Qeyd olunmuş mağazada Kəşbək hesablanmayan məhsul seçilmişdir.
-  Sifariş olunmuş məhsul, Kəşbək aktivləşdirilmədən öncə səbətə və ya seçilmişlərə atılmışdır.
-  Bəzi mağazalarda kupon istifadə edildikdə kəşbək hesablanmır.
-  Mağazalarda ödənişi hədiyyə çeki, nağd və yaxud sistemin daxili cüzdanı edildikdə kəşbək hesablanmır və ya sonradan ləğv edilir.
- Satıcı və ya mağaza sifarişinizi ləğv edə bilər.
-  Kəşbək aktivləşdirilməsindən 6 saat keçmişdir.
-  Sifariş fərqli cihazlardan həyata keçirilmişdir. Məsələn, məhsul kompyuter brauzerindən səbətə atılmış, sifariş isə mobil telefon üzərindən edilmişdir, və ya əksinə.
-  Sifariş zamanı, digər xidmətlərin reklam bannerləri və ya partnyor keçidindən istifadə edilmişdir.
-  Sifariş pəncərəsi, ödəmə edilməmişdən öncə bağlanmışdır.
-  Antivirus proqramları və ya reklam keçidlərini bloklayan xüsusi proqramlar quraşdırılmışdır.
-  Reklam keçidlərini, cookie (çərəz) və digər prosesləri bloklayan brauzer (Safari, TOR, Brave və s.) üzərindən sifariş olunarsa.
-  Digər Kəşbək xidmətlərin brauzer əlavələri / mobil tətbiqləri istifadə olunarsa. Sifariş mağazanın mobil tətbiqi üzərindən olunarsa, Kəşbək hesablanmayacaq (istisna - Aliexpress mobil tətbiqi)
-  Kəşbəkə aid olmayan digər brauzer əlavələri də, arxa fonda sizin keçidləri oğurlaya bilərlər. Buna görə də, Kəşbəkli alış-veriş zamanı digər brauzer əlavələrini deaktivasiya etmək məsləhətdir.
-  Sifarişin işlənməsi və ya ödəniş zamanı, internet əlaqəsində problemlərin yaranması.
-  Aliexpress mağazasında Nigeriya və Çin İP-si istifadə olunan proksi servis istifadə olunduqda, Kəşbək hesablanmır.
-  Rutlanmış (root) cihaz istifadə olunduqda.
-  Sifariş hüquqi şəxs tərəfindən həyata keçirilərsə.
-  Alış etdiyiniz onlayn mağazadakı hesabınız bloklanarsa, Bon.az üzərindən də Kəşbək hesablanması mümkün olmayacaq.

 


Yuxarıda qeyd olunmuş hallardan heç biri, sizin üzləşdiyiniz problemə uyğun gəlmirsə, saytımızın chat bölməsi üzərindən bizə müraciət etməyinizi xahiş edirik. 

 

Hər bir mağazanın Kəşbək hesablanmayan məhsul kateqoriyası və ya xidmətləri mövcuddur. Buna görə də, mağaza səhifəsində bu məlumatlar haqqda daha ətraflı öyrənməyiniz lazımdır. Bizim məsləhətlərə qulaq asın və Bon.az istifadəsi ilə alış-verişinizdən hər zaman Kəşbək qazanın.

 

Kəşbək hesablanmayıb, nə etmək lazımdır?

İlk olaraq, nə üçün hesablanmadığını izah edən əməliyyatların siyahısı ilə tanış olmağınız lazımdır. Əgər bu problemlərin heç birinin sizə aidiyyatı yoxdursa, Bonaz hesabınıza daxil olaraq, MÜRACİƏT bölməsindən sifarişiniz haqqında məlumatları daxil edərək, bizə göndərin.

Müraciət formu vasitəsilə daxil olmuş tranzaksiyalar haqqında məlumatlar, aidiyyatı olan mağazaya göndərilir və hər ayın üzləşməsi zamanı digər tranzaksiyalar ilə bir yerdə işlənilərək, mağaza tərəfindən ya təsdiq, ya da təkzib edilir.

Kəşbəkim nə vaxta təsdiq olunur?

Onlayn mağazada sifarişinizi etdikdən və cashback hesabınızda Gözləmə statusu ilə göstərildikdən sonra, mağazanın ləğv və geri qaytarma müddəti üçün bəlirlədiyi və qanunla müəyyən edilmiş müddətin başa çatması gözlənilir. Daha sonra mağaza sifarişinizin kəşbək hesablanması üçün təyin edilmiş qaydalara uyğunluğunu yoxlayır.

 

Mağaza sifarişinizin kəşbək hesablanması üçün uyğun olduğunu təsdiq etdikdən sonra, Bon.az-a ödəməsini edir və kəşbək Təsdiq statusunu alır.

 

Bon.az olaraq biz yeni və sifariş ləğvi olmayan istifadəçilərimizin kəşbək balanslarını 30 günə təsdiq edirik. Ümumilikdə isə bu müddət bəzi istisnalar xaric 60-90 gün zaman alır. 

 

- Səyahət rezervasiya saytlarında edilən sifarişlərdə, kəşbək rezervasiyanın tamamlanmasından 3-6 ay sonra təsdiq olunur. 

 

Məsələn, 1 Yanvar tarixində otel rezervasiya edirsiniz və 1 May tarixində oteldən check-out edirsiniz. Bu zaman kəşbək, İyul-Oktyabr ayları arasında təsdiq olunacaq.

Kəşbək nə üçün ləğv edilib?

Kəşbəkin ləğv edilmə səbəbləri müxtəlifdir:

  • Tranzaksiya texniki xətadan dolayı qeydə alınmayıb.
  • Bon.az-dan keçid etdikdən sonra, başqa saytdan kupon kodu istifadə edilərsə.
  • Sifariş zamanı yaranmış xəta və s.

Vacib qeyd: Bütün hallarda yekun qərar mağazaya aid olduğundan, bəzi hallarda mağazalar heç bir əsaslı səbəb göstərmədən kəşbəkin hesablanmasından imtina edə bilər.

 

Təsdiq edilmiş kəşbəkim, sonradan nə üçün ləğv edilib?

Bon.az olaraq biz yeni qeydiyyatdan keçmiş istifadəçilərimizin gözləmədə olan kəşbək balanslarını 30 gün sonra təsdiq edirik. Bununla belə, mağazalar ilə üzləşmə 60-90 gün ərzində baş tutur və bu zaman ləğv edilmiş, geri qaytarılmış, təkrar hesablanmış və digər fərqli səbəblərdən ödənilməsi imtina edilmiş sifarişlər olduğu halda, təsdiq olunsalar belə, hesabınızdan silinir. Bu səbəbdən dolayı, hesabınızda təsdiq edilmiş kəşbək olsa da, hər ayın ortası məlumatlar yenilənir və bunun əsasında sizin balans da bu məlumatlara əsasən dəyişə bilər.

Nə üçün kəşbək hesablanan məbləğ, ödədiyim məbləğdən azdır?

Mağazalar və satıcılar, kəşbək məbləğini ödənilmiş məbləğdən Vergi və Çatdırılma haqqlarını çıxdıqdan sonra, geriyə qalan məbləğ üzərindən hesablayırlar. Buna görə də, sizin kəşbək tarixçənizdə ödənilmiş məbləğ xanasındakı rəqəm, ödədiyiniz məbləğdən azdır. Türkiyədə vergilər əsasən ƏDV (KDV) çıxılır və məhsul növündən asılı olaraq, 0-18% arası dəyişə bilər.

 

Məsələn: Trendyol mağazasında 280,97 TL ödənilsə də, sistemdə kəşbək hesablanan məbləğ 247,91 TL olaraq göstəriləcək. 

 

Kəşbək və Kupon arasındakı fərq nədir?

-  Kəşbək - ödənilmiş məbləğin bir hissəsinin geri qaytarılmasıdır. Yəni, $100 ödəyib, 5% kəşbək olaraq $5 geri almaq olar.

 

-  Kupon - alış zamanı tətbiq edilərək, dərhal endirim əldə etmək imkanı verir. Kuponlar həm məhsulun qiymətinə, həm də çatdırılma haqqının azaldılamsı və ya tam ləğvi imkanı verə bilər. Məsələn, $100-lıq məhsula 5% kupon varsa, alış zamanı sizdən $95 ödəniş alınacaq.

 

 

Sual: Yuxarıdakı misaldan belə başa düşdüm ki, kupon istifadə etmək kəşbəkdən daha rahatdır. Çünki, kəşbəki gözləmək lazımdır, kupon isə dərhal endirim verir.

Cavab: İlk baxışda bu fikrə düşmək olar, ancaq Kuponlar hər zaman aktiv olmur, bütün kateqoriya məhsullara şamil edilmir, bir çox hallarda isə say və zaman baxımından limitli olduğundan istifadə edilə bilinmir. Buna görə də kəşbək və kuponları eyni anda istifadə etmək daha faydalıdır və ikiqat xeyir vermiş olur. Burada əsas diqqət edilməli məqam odur ki, bəzi mağazalar kupon isitfadə edildiyində, kəşbək ödəmirlər. 

Məsələn: Bir mağazada bütün alışlara 5% kəşbək verilir. Səbətə hər biri $20 dəyərində 5 ədəd məhsul atmısınız və bunlardan yalnız birinə 10% endirim kuponunuz var. Bu kuponu tətbiq etdikdə, bir məhsula görə $20 əvəzinə $18, digər məhsullara görə isə əsas qiymətə görə $80 ödəniş etmiş olacaqsınız. Nəticədə $100 əvəzinə $98 ödəniləcək. 
Eyni zamanda bu məhsullara görə 5% kəşbək hesablanmayacaq. 

İkinci halda isə, 10% kupon əvəzinə 5% kəşbək seçildikdə, $100 əvəzinə $95 ödəmiş olacaqsınız ki, bu da daha çox qənaət deməkdir. 

Bu misal bütün mağazalara aid deyil, buna görə də kəşbək və kuponu eyni zamanda istifadə etmək istədiyinizdə, mağazanın kupon istifadəsi zamanı kəşbək hesablayıb, hesablamadığına diqqət edin.

Sifariş zamanı endirim kuponu istifadə etsəm, kəşbək hesablanacaq?

Kəşbəkin hesablanıb, təsdiqlənəcəyindən əmin olmaq üçün, yalnız Bon.az tərəfindən paylaşılan kuponları istifadə etməyi tövsiyyə edirik. Bəzi mağazaların kupon istifadəsi ilə bağlı xüsusi şərtləri mövcuddur. Sifarişinizi etmədə öncə mağaza şərtlərini diqqətli oxumağınızı tövsiyyə edirik.

Bon.az-a üzv olmadan öncə və ya Bon.az üzərindən keçmədən etdiyim alışlara görə kəşbək ala bilərəm?

Təəssüflər olsun ki, bu mümkün deyil. Mağazalar yalnız Bon.az üzərindən keçid etdikdən sonra, edilən sifarişlərə görə ödəniş edirlər. Buna görə də, Bon.az-a üzv olmadan və yaxud Bon.az üzərindən keçid etmədən edilən sifarişlərə görə kəşbək hesablanmır.

Keçidlər bölümündə mağazaya keçidim qeydə alınıb, ancaq kəşbək hesablanmayıb.

Bon.az hesabınızın tarixçə bölümündə Kəşbək tarixçəsi və Keçidlərim bölümləri var. Siz hər dəfə Bon.az saytından mağazaya keçid etdikdə, keçidiniz qeydə alınır. Keçid məlumatları arasında mağaza adı, tarix, vaxt, İP, cihaz, brauzer və keçid mənbəsi (sayt, extension, app) yer alır. Kəşbəkin hesablanması üçün, keçidin qeydə alınması mütləqdir. Bununla belə, keçidin qeydə alınması kəşbək hesablanacaq anlamına gəlmir. Çünki, kəşbək hesablanması üçün keçidin qeydiyyata alınmasından başqa, mağazalar səhifəsində qeyd olunmuş digər qaydalar da mütləq nəzərə alınmalıdır. Gəlin misal üzərində izah edək:

Kəşbək ❌ - Keçid qeydə alınıb, brauzerdə AdBloker quraşdırıldığına görə, keçidə aid cookie (çərəz) faylı bloklanır və buna görə də mağaza sizin keçidinizin Bon.az -dan edildiyini görmür.

Kəşbək ❌ - Keçid qeydə alınıb, lakin siz mağazadan heç bir alış etmirsiniz. Alış olmadığına görə kəşbək hesablanmayacaq.

Kəşbək ❌ - Keçid qeydə alınb, lakin mağazanın təyin etdiyi hər hansı bir qaydaya əməl olunmayıb.

Kəşbək ❌ - Mağazaya Bon.az -dan deyil, bir-başa mağazaya keçid edilir. Bu halda kəşbək hesablanmır.

Kəşbək ✅ - Mağazaya Bon.az -dan keçid edilir, kəşbək hesablanma qaydalarına riayət edilərsə, kəşbək hesablanacaq.

 

Alışları hər zaman olduğu kimi etmişəm, ancaq bu dəfə kəşbək hesablanmadı.

İlk olaraq Bon.az mağazalar bölümündən keçid etdiyiniz mağazanın səhifəsinə daxil olaraq, Kəşbək hesablanma qaydaları ilə təkrar tanış olun. Bəlkə, hansısa qayda diqqətinizdən qaçaraq, əməl edilməyib.

Qaydalar ilə bağlı problem yoxdursa, bu halda brauzerin cache və cookie (çərəz) yaddaşını təmizləyib, təkrar yoxlayın. Yenə də, hesablanma olmazsa, digər brauzerdən istifadə edin. Problem davam edirsə, bizim ilə əlaqə saxlamağınızı xahiş edirik. Texnki heyət Anydesk və ya Teamviewer proqramları ilə qoşulub, probleminizi həll edəcək.

Mobil telefonun brauzeri ilə keçib alış etdikdə kəşbəkim hesablanmadı.

Mobil telefon brauzeri, kompyuterdə istifadə edilən brauzerdən fərqlənir və buna görə də, bəzən mobil brauzer ilə edilən alışlara görə kəşbək hesablanmaya bilər. Buna görə də, sifarişdən öncə, mobil brauzerin cache və cookie (çərəz) yaddaşını təmizləməyiniz məsləhətdir.

Sifarişimi karqo şirkəti ilə etmişəm, kəşbək ala bilərəm?

Bon.az ilə kəşbək ala bilməniz üçün sifarişi özünüz etməlisiniz. Yəni, öz Bon.az hesabınızla, mağazaya keçid edərək, özünüz sifariş etməlisiniz. Daşınmanı hansı şirkətin edəcəyi, kəşbək hesablanmasına bağlılığı yoxdur.

Brauzerimdə AdBlock kimi reklam bloklayan proqram varsa, kəşbək ala bilərəm?

Bon.az üzərindən mağazaya keçid etdiyinizdə brauzerinizdəki çərəzlər ilə sistem sizi tanıyaraq, sifarişinizi qeydə alar və kəşbəkin hesablanmasını edər. AdBlock kimi reklam bloklayıcılardan istifadə etdiyinizdə isə çərəzlərin izlənməsi mümkün olmadığından kəşbək hesablanmasında problem yaranır. Buna görə də, mağazaya keçid etməmişdən öncə bu cür proqramların işini dayandırmağı tövsiyyə edirik.

Çərəz (cookie) nədir?

Çərəzlər brauzerinizdə saxlanılan kiçik məlumat fayllarıdır. Mağazalar müştərilərinə xüsusiləşdirilmiş xidmət göstərmək üçün çərəzlərdən istifadə edir və bu çərəzlər sayəsində də reklamlar göstərə bilirlər.

 

Biz çərəzlər vasitəsilə kəşbəkinizi qeydə almaq və düzgün şəxsin hesabına əlavə etmək üçün istifadə edirik, buna görə də brauzerdə çərəzlərin aktiv olması mütləşqdir. Sadə dil ilə desək, çərəzlərdə sizin mağazanı Bon.az üzərindən keçərək ziyarət və alış-veriş etdiyiniz haqqında məlumatlar saxlanılır. Bununla da mağaza sizin Bon.az-dan gəldiyinizi bilir və kəşbəkinizi ödəyir.

 

Qeydiyyatdan 20 TRY bonusu necə əldə edə bilərəm?

22.02.2022 tarixindən etibarən Bon.az saytında qeydiyyatdan keçmiş bütün istifadəçilərin hesablarına 20 TRY bonus məbləği əlavə olunacaq. Bu məbləğ Gözləmə statusuna sahibdir və üzvümüz 30 TRY məbləğində cashback topladıqdan sonra, balansında aktivləşəcək. Nəticədə siz 30 TRY əvəzinə 50 TRY əldə etmiş olacaqsınız.

Qeyd: 30 TRY cashback təsdiqlənmiş tranzaksiya nəticəsində aktiv statusu almış məbləğə aid edilir. Bonus məbləğ limitlidir və 50 min istifadəçi üçün tətbiq olunacaq.

22.02.2022 tarixindən əvvəl tətbiq olunan qayda:

Bon.az saytında qeydiyyatdan keçmiş bütün istifadəçilərin hesablarına 20 AZN bonus məbləği əlavə olunacaq. Bu məbləğ Gözləmə statusuna sahibdir və üzvümüz 30 AZN məbləğində cashback topladıqdan sonra, balansında aktivləşəcək. Nəticədə siz 30 AZN əvəzinə 50 AZN əldə etmiş olacaqsınız.
Qeyd: 30 AZN cashback təsdiqlənmiş tranzaksiya nəticəsində aktiv statusu almış məbləğə aid edilir.

20 TRY bonus nə vaxt aktivləşəcək?

Siz 30 TRY-lik kəşbək topladıqda və bu məbləğ təsdiqlənərək aktivləşdikdən sonra, 20 TRY -də aktivləşir və siz toplamda 50 TRY kəşbək əldə etmiş olursunuz.

20 TRY-lik məbləğin aktivləşməsi üçün 30 TRY-nin dolmasını gözləmək lazım deyil. Kəşbəkləriniz aktivləşdikcə, onları nağdlaşdıra bilərsiniz. Sistem özü limit 30 TRY-ə çatdıqda, 20 TRY aktivləşdirəcək.

Dostunu dəvət et nə deməkdir?

Bon.az -ın dostunu dəvət et proqramı vasitəsilə, dostlarınızın da Kəşbək qazanmaları üçün bizim saytı tövsiyyə edərək, onların əldə etdikləri kəşbəkin 5%-i daim sizin balansınıza əlavə olunacaq. Dostunu dəvət et proqramından yararlanmaq üçün, şəxsi hesabınızdakı Dostlarım bölümündəki, xüsusi keçidi Facebook, İnstagram, Whatsapp, Telegram və ya istənilən digər metod ilə paylaşmağınız lazımdır. Bu keçidə klik edərək, qeydiyyatdan keçən bütün şəxslər sizin dost siyahınıza əlavə edilir və alışlarından əlavə kəşbək qazandırırlar.

Dost dəvəti mənə nə qazandıracaq?

Dostlarınızı Bon.az-a dəvət etməklə onların əldə edəcəkləri kəşbəkin 5%-i miqdarında passiv kəşbək qazana biləcəksiniz.

Dostlarımı necə dəvət edə bilərəm?

Dostlarınızı Bon.az-a dəvət etmək üçün, hesabınıza daxil olaraq Dostlarım bölümünə keçməyiniz lazımdır. Buradan, sizə aid xüsusi dəvət linkini kopyalayaraq Facebook, Whatsapp, Instagram, Telegram və digər sosial şəbəkələr vasitəsilə dostlarınızla paylaşa bilərsiniz. Dost dəvətində heç bir limit yoxdur.

Dost dəvətindən yalnız şəxsi istifadə və dostlarınızın dəvəti məqsədilə istifadə edə bilərsiniz. Daha geniş imkanlardan yararlanmaq istəyirsinizsə (məsələn: veb sayt, Youtube kanalı və ya sosial media qruplarınız varsa) Kəşbək Link funksiyasından istifadə etməyiniz məqsədə uyğundur.

Dostlarımdan qazandığım kəşbəklər nə üçün hələ gözləmədə və ya ləğv edilib?

1. Qazandığınız kəşbək Gözləmə statusundadırsa, bu o deməkdir ki, mağaza hələ də sizin dostunuzun kəşbəkini təsdiq etməyib.

2. Dostlarınızın qazandıqları kəşbəklər mağaza tərəfindən ləğv edilərsə, sizin də komissiyanız ləğv olunacaq. 

Dəvət etdiyim dostumu, dostlar siyahımda görmürəm.

Bəzən Bon.az-dan asılı olmayan texniki səbəblərdən dolayı qeydiyyatdan keçən şəxs məhz sizin link ilə qeydiyyatdan keçdiyi görünmür. Bəzən isə dəvət linki natamam kopyalanır və buna görə də, dəvət etdiyiniz şəxs qeydə alınmır. Bu cür hallarda, bizə müraciət etməklə, məsələni həll etmək olar.

Dost dəvətindən əldə edəcəyim komissiya miqdarında hər hansı bir limit varmı?

Dəvət etdiyiniz dostlarınızdan əldə edəcəyiniz kəşbək komissiyaları, müddəti və ya minimum məbləğ ilə bağlı heç bir limitimiz yoxdur. Dostlarınızın qazandıqları kəşbəkin 5%-i daimi sizə hesablanacaq.

 

Lakin, eyni şəxsin dost dəvəti linki ilə özünə bir neçə hesab açaraq, komissiya qazanması qadağandır. Sistem bu cür halları monitorinq edir və multi hesablar təyin olunduqda sistemdən silinir.

 

Kəşbək Link nədir və onunla necə qazanmaq olar?

Bon.az vasitəsilə siz öz alışlarınızdan kəşbək qazanmaq ilə yanaşı, dost dəvəti və kəşbək link ilə də əlavə komissiya qazana bilərsiniz. Dost dəvəti ilə siz yalnız dostlarınızın qazandıqları kəşbəkin 5%-ni qazana bilərsinizsə, Kəşbək Link ilə siz Bon.az üzvü olmayan şəxslərin edəcəkləri alışların kəşbəkini tam olaraq öz hesabınıza qazacaqsınız. 

 

Kəşbək link ilə Bon.az partnyoru istənilən mağazadan, istənilən məhsulun linkinə qısaldılmış keçid yarada və paylaşa bilərsiniz. Bu keçiddən istifadə edərək, həmin məhsulu alan şəxsə görə ödənilən kəşbək, sizin adınıza qeydə alınacaq.

 

Kəşbək link ilə dost dəvəti arasında fərq nədir?

Dost dəvəti ilə qeydiyyatdan keçmiş bütün istifadəçilərin qazandıqları kəşbəkin 5%-i sizə hesablanır. Bunun üçün dostunuz və ya istənilən şəxs sizin dəvət keçidinizdən istifadə etməlidir. Onların nə vaxt və hansı mağazadan alış-veriş etdiklərindən asılı olmayaraq, siz öz komissiyanızı qazanacaqsınız. Sizin yalnız bir dəvət linkiniz var.

 

Kəşbək link ilə isə siz daha aktiv işləməlisiniz. Dəvət linkidən fərqli olaraq, siz dostlarınızı Bon.az-a deyil, bir-başa mağazaya yönləndirəcəksiniz. Kəşbək linkindən istifadə edən şəxs kəşbək qazanmaq üçün deyil, məhz sizin keçiddən istifadə edərək, sizin ona göstərdiyiniz məhsulu almaq istəyir. Siz istənilən sayda Kəşbək link yarada bilər və hər biri üzrə keçid sayı və qazancınızı ayrılıqda görə bilərsiniz. Hətta eyni məhsul üçün bir neçə link yaradaraq, fərqli sosial media kanallarında paylaşaraq, effektivliyi ölçə bilərsiniz.

 

Kəşbək linki kimlər istifadə edə bilər?

Kəşbək linkin isitfadəsi üçün heç bir limit yoxdur və istənilən şəxs ondan istifadə edə bilər. Bununla belə, bu imkandan daha çox İnstagram, Facebook, Youtube, Blog, TikTok, Telegram və digər sosial media platformalarında yüksək izləyici kütləsi olan şəxslər (infliencerlər) istifadə etdikdə daha yüksək nəticələr əldə edə bilərlər.

Kəşbək linki necə yaradım?

Kəşbək linki yaratmaq üçün Bon.az hesabınıza daxil olaraq, menyudan "Link qısaldıcı" bölümünə keçməniz lazımdır.

 

Paylaşmaq istədiyiniz mağazadan, məhsul linkini kopyalayaraq "Link qısaldıcı" xanasına yerləşdirərək, Qısalt düyməsinə klikləmək lazımdır. Bundan dərhal sonra, yeni Kəşbək linkiniz yaranacaq və onu istədiyiniz sosial media platformasında, istənilən şəxs ilə paylaşa bilərsiniz.

 

 

Yaratmış olduğunuz Kəşbək linkləri eyni səhifədə alt hissədə izləyə bilərsiniz; burada siz məhsula keçid, Kəşbək Link, Klik sayı, Kəşbək məbləği və Gözləmədə olan məbləği görə bilərsiniz.

 

Kəşbək linki harda paylaşmaq olar?

Yaratdığınız Kəşbək linkləri istədiyiniz sosila media platformu: Instagram story, Facebook, Telegram, TikTok, Youtube, Email və ya istənilən messencer proqramı ilə paylaşa bilərsiniz. 

Misal 1: Instagram Story paylaşımlarınızda hər hansı bir mağazadan məhsul haqqında məlumat paylaşırsınızsa, həmin məhsula direkt link vermək əvəzinə, Kəşbək link paylaşsanız, həmin link ilə keçid edərək məhsul alındıqda kəşbək sizə hesablanır.

 

Misal 2: Facebook və ya Telegram qrupunuz var? Məlumatları kəşbək linklər ilə paylaşın və keçidlərdən qazanın.

 

 

Misal 3: Youtube da səyahət, məhsul və ya digər xidmət haqqında video paylaşırsınızsa, bizim partnyorlara aid keçid üçün Kəşbək link yaradaraq, paylaşa bilərsiniz.

 

 

Misal 4: Bloq yazırsınızsa, paylaşımlarınızda uyğun sözlərə kəşbək link əlavə etməklə, qazana bilərsiniz.

 

Mobil tətbiqiniz varmı?

Bon.az Mobil tətbiqi üzərində işlər gedir və ən qısa zamanda təqdim ediləcək.

Hansı nağdlaşdırma metodları var?

Kəşbək-in nağdlaşdırılması üçün bir neçə metod mövcuddur. 

  • Portmanat.az - onlayn cüzdanına
  • Webmoney WMZ
  • USDT - stabil kriptovalyuta
  • və digər.


    Ən son yenilənmə 20 İyun, 2021

ABŞ mağazasından sifariş etdim, lakin hesabımda göstərmir.

ABŞ mağazalarından sifariş etdiyinizdə, heç bir problem olmazsa etdiyiniz sifariş dərhal deyil, 3-7 gün ərzində göstəriləcək. Buna səbəb həm vaxt fərqi, həm də ABŞ mağazalarında təsdiqin bir neçə gün sonra edilməsidir. Bu müddət ərzində məbləğ qeydə alınmazsa, bizə müraciət edin.

ABŞ mağazaları üçün VPN nədir?

VPN (Virtual private Network) — iki kompüter arasında məlumatları virtual tunnel vasitəsi ilə şifrləyərək ötürən əlaqə vasitəsidir. VPN bağlantısi üzərindən istifadəçilər təhlükəsiz şəkildə informasiyanın ötürülməsini həyata keçirə bilərlər. Buna səbəb ötürülən informasiyanın adi qaydadan fərqli olaraq şifrələnmiş halda göndərilməsidir. Bizim halımızda VPN  istifadəçinin Azərbaycandan deyil, ABŞ ərazisindən Amerikan mağazalarına girdiyini göstərmək üçündür. Buna səbəb isə, bir çox mağazalarda kəşbəkin yalnız ABŞ ərazisindən daxil olmuş sifarişlərə görə hesablanmasıdır. Digər hallarda kəşbək hesablanmır.

VPN həm pulsuz, həm də aylıq ödəniş əsasında olur. Bir çox VPN proqramları pulsuz istifadə müddəti də təqdim edirlər. Qeyd olunmuş keçiddən istifadə edərək, 10 ən yaxşı ilkin ödənişsiz VPN proqramı ilə tanış ola bilərsiniz - https://bit.ly/3gFZJ1r